Kids&Co заедно со М-р Елена Џебр, лиценциран психолог и психотерапевт Ви ја најавуваат втората работилница Јас.Мајка која што ќе се одржи во живо на 20.05.2023 (10ч), на тема грижа за себе во постпородилниот период и насоки за враќање на моќта на мајката.
Мајчинството ја менува жената и претставува голем пресврт во нејзиниот живот на секое поле, особено на емотивното. Свесноста за менталното здравје на мајките расте, а со тоа растат и информациите околу тоа како да си помогнеме. Честопати ги губиме од вид нашите потреби кога сме мајка, а на оваа работилница покрај тоа што ќе ги разгледаме предизвиците што ги носи родителството, ќе зборуваме и за начините на кои можете да се грижите за себе емотивно за да имате емоционални резерви да се грижите за вашето семејство.
Што да очекувате?
Оваа работилница обезбедува безбеден и неосудувачки начин да се разговара за потребите, за предизвиците, за здравите емоционални навики, за поставување на здрави граници во мајчинството. Покрај разговор, дружба, вежби, ќе добиете и едукативен прирачник со кратки и јасни насоки за самопомош како и понтамошна поддршка од наша страна.
Што ќе научите?
Ќе научите како да поставувате здрави граници со цел да научите да се сакате и почитувате себе си, како да се справите со стресот, како да ги препознаете и трансформирате нездравите емоционални навики, како да ја подигнете самодовербата, како да ја вратите својата моќ која сте ја изгубиле низ процесот и најважно, да научите како да уживате во најголемата титула која ја поседувате - мајка.
За кого е оваа работилница?
Соодветна е за мајки кои што се неодамна породени, но и за поискусни мајки кои што се отворени да слушнат и научат нешто повеќе за себе и за грижата за себе си. Континуриана работа на себе, освестување, прифаќање и разработување на емоциите се клучот кон подобрување на вашата состојба. Запомнете, она што не го менуваме, тоа и го пренесуваме. Добра вест е што никогаш не е доцна за промени, а фокусот на оваа работилница е промена на моменталната емотивна состојба. Мајките се всушност оние кои можат на најзначаен начин да го променат светот бидејќи директно влијаат на идните генерации на кои им служат како пример и водилка.
Цената на работилницата изнесува 4.500 денари, а добивате:
- 2,5 часа интерактивна работилница со М-р Елена Џебр, лиценциран психолог и психотерапевт
- Книга од Kids&Co ("Kako s ljubavlju reci NE" - Џеспер Јул ; "Izvan kontrole" - Др. Шафали Сабари ; "Svesni roditelji" - Др. Шафали Сабари)
- Практични вежби за времетраење на работилницата
- Едукативен прирачник со кратки насоки за како да продолжите со континуирана работа на себе
- Мала интимна група
Зошто да дојдете?
Дојдете да се запознаете и дружите со мајки кои моментално се наоѓаат во иста ситуација како и вие, кои моментално водат иста борба, имаат исти мисли и размислувања, ги мачат исти прашања и сомнежи. Со разговор, дружба, вежби, нови информации и позитивна атмосфера, почетокот на трансформирање на моменталната состојба и враќање на сопствената моќ е загарантиран. Не сте сами! Ако прочитавте до тука, значи сте на вистинскиот пат кон промената што ја посакувате за себе. Инвестирајте во себе, заслужувате повеќе!
Доколку сте заинтересирани за работилницата или пак Ви требаат дополнителни информации како и информации за вршење на уплата, Ве молиме контактирајте нé на:
Емаил: contact@kidsandco.mk
Напомена: Сакаме да Ви напоменеме дека заради озвозможување на квалитетна организација како и тек на самата работилница бројот на учесници е ограничен. Учеството во работилницата е загарантирано само по извршена уплата.